Breaking
Ad
Ad
Ad
Politics

နိုင်ငံရေးပါတီဝင်အင်အားစာရင်း ရွေး/ကော်စစ်ဆေးမှု ပြောကြားချက်များ ကွဲလွဲနေ

Pinterest LinkedIn Tumblr

ယခုနှစ်ပိုင်းအတွင်း အင်အားစာရင်းတောင်းခံမှုမရှိသေးဟု ပါတီများပြော

ပြည်ထောင်စုရွေးကောက် ပွဲကော်မရှင်ဥပဒေပါ လုပ်ပိုင် ခွင့်နှင့် တာဝန်များအရလည်း ကောင်း၊ နိုင်ငံရေးပါတီများ မှတ်ပုံတင်ခြင်းဆိုင်ရာ ဥပဒေ အရလည်းကောင်း ပါတီများ၏ ပါတီဝင်ဦးရေကို စစ်ဆေးစိစစ် ဆောင်ရွက်မှုများနှင့် ပတ်သက် ၍ ကော်မရှင်ဘက်မှ ပြောကြား ချက်များတွင် ကွဲလွဲမှုများရှိနေပြီး၊ ယခုနှစ်ပိုင်းအတွင်းတွင်လည်း ကော်မရှင်က ပါတီဝင်စာရင်းများ တောင်းခံမှု မရှိသေးကြောင်း နိုင်ငံရေးပါတီအချို့၏ ပြော ကြားချက်များအရ သိရှိရသည်။


ပြည်ထောင်စုရွေးကောက် ပွဲကော်မရှင်ဥပဒေ တာဝန်နှင့် လုပ်ပိုင်ခွင့်များအခန်းပါ ပုဒ်မ ၁၀ (ဌ)တွင် ပြည်ထောင်စု ရွေးကောက်ပွဲကော်မရှင်သည် ““နိုင်ငံရေးပါတီများ မှတ်ပုံ တင်ခြင်းဥပဒေနှင့်အညီ နိုင်ငံ ရေးပါတီများကို မှတ်ပုံတင် ခြင်း၊ ကြီးကြပ်ခြင်းနှင့် ကြီး ကြပ်စေခြင်း””တို့ကို လုပ် ဆောင်ရမည်ဖြစ်ကြောင်း ဖော် ပြပါရှိထားသည်။


ထိုဥပဒေပါ အချက်အရ ဆောင်ရွက်ရာတွင် နိုင်ငံရေး ပါတီများ မှတ်ပုံတင်ခြင်း ဥပ ဒေ၏ ဆက်လက် ရပ်တည် ပိုင်ခွင့်မရှိခြင်းအခန်းပါ ပုဒ်မ ၇ တွင် ““ပုဒ်မ ၅၊ ပုဒ်မခွဲ (စ)ပါ သတ်မှတ်ချက်အတိုင်း ပါတီဝင်ဦးရေကို စည်းရုံးမှုမပြု နိုင်ကြောင်း တွေ့ရှိခြင်း””ဟု ဖော်ပြပါရှိပြီး၊ နိုင်ငံရေးပါတီ များ မှတ်ပုံတင်ခြင်းဥပဒေ ပုဒ်မ ၅(စ) တွင် ဖော်ပြထား ချက်မှာ ““ပြည်ထောင်စုတစ် ဝန်းလုံးတွင် စည်းရုံးမည့်ပါတီ ဖြစ်ပါက နိုင်ငံရေးပါတီအဖြစ် မှတ်ပုံတင်ခွင့်ပြုသည့် နေ့ရက် မှစ၍ ရက်ပေါင်း ၉၀ အတွင်း ပါတီဝင်ဦးရေ အနည်းဆုံး ၁၀ဝ၀ ကို စည်းရုံးရမည်ဖြစ် ကြောင်း ဝန်ခံချက် (သို့မဟုတ်) တိုင်းဒေသကြီး သို့မဟုတ် ပြည် နယ်တစ်ခုအတွင်းသာ စည်းရုံး မည့်ပါတီဖြစ်ပါက နိုင်ငံရေး ပါတီအဖြစ် မှတ်ပုံတင်ခွင့်ပြု သည့် နေ့ရက်မှစ၍ ရက်ပေါင်း ၉၀ အတွင်း ပါတီဝင်ဦးရေ အနည်းဆုံး ၅၀ဝ ကို စည်းရုံးရ မည်ဖြစ်ကြောင်း ဝန်ခံချက်””ကို ကော်မရှင်သို့ တင်ပြရမည် ဟု ဖော်ပြပါရှိထားသည်။


ထိုနှင့် တစ်ဆက်တည်းတွင် နိုင်ငံရေးပါတီများ မှတ်ပုံတင် ခြင်းဥပဒေ၏ ဆက်လက်ရပ် တည်ပိုင်ခွင့်မရှိခြင်း အခန်းပါ ပုဒ်မ (၁၃)တွင် ““ပါတီတစ်ခု သည် ပုဒ်မ ၅၊ ပုဒ်မ(စ)ပါ အနည်းဆုံး ပါတီဝင် အရေ အတွက်ကို သတ်မှတ်ထားသည့် ရက်အတွင်း စည်းရုံးရရှိပြီးဖြစ် ကြောင်း ကော်မရှင်သို့ တင်ပြရ မည်။ ယင်းသို့ တင်ပြပြီးသည့် နောက်ပိုင်းတွင် ယင်းပါတီ၏ ပါတီဝင်အရေအတွက်မှာ သတ် မှတ်ထားသည့် အနည်းဆုံး ပါတီဝင် အရေအတွက်အောက် လျော့နည်းသွားပါက ရက် ပေါင်း ၉၀ အတွင်း သတ်မှတ် ချက်များအတိုင်း ပြည့်မီစေရေး အတွက် ဆောင်ရွက်ရမည်။ ယင်းသို့ ဆောင်ရွက်ခြင်း မပြု နိုင်လျှင် ကော်မရှင်က ယင်း ပါတီအား နိုင်ငံရေးပါတီအဖြစ် မှတ်ပုံတင်ထားခြင်းများကို ပယ် ဖျက်၍ ပါတီကိုလည်း ဖျက် သိမ်းရမည်””ဟု ပါရှိသည်။


လက်ရှိတွင် တရားဝင် တည်ရှိသည့် နိုင်ငံရေးပါတီ များအတွင်း အထက်ပါ ဥပဒေ သတ်မှတ်ချက်များနှင့် မကိုက် ညီသည့် ပါတီများ၊ ပါတီဆိုင်း ဘုတ်နှင့် အလုပ်အမှုဆောင်အဖွဲ့ မျှလောက်သာ အသက်ဝင်တည် ရှိသော ပါတီများ ရှိနေသော် လည်း ထိုဥပဒေပါအချက်များ အတိုင်း လုပ်ဆောင်နိုင်မှု အား နည်းနေကြောင်း နိုင်ငံရေးအသိုင်း အဝိုင်းက ဝေဖန်မှုများရှိသည်။


ဥပဒေပါအတိုင်း ဆောင် ရွက်မှုနှင့် ပတ်သက်၍ ရွေး ကောက်ပွဲ ကော်မရှင်မှ ပြော ရေးဆိုခွင့်ရှိသူ ဦးမြင့်နိုင်ကမူ ““ခြောက်လ တစ်နှစ်လောက် တော့ ရှိပါပြီ။ ပြန်စိစစ်ပြီးတော့ ပြန်တင်ပြကြပါတယ်။ တင်ပြ တာတော့ အားလုံးပါပဲ။ အား လုံး…အားလုံးဆိုတာက အင်အားစာရင်းကို သူကလျော့ သွားရင်း ပြန်ဖြည့်ရတယ်ဆို တော့ တစ်နှစ်တစ်ခါတင်ရ ပါတယ်။ လျော့သွားရင် တင်ရ ပါတယ်။ တင်ပါတယ်။ ပြီးခဲ့ တဲ့ တစ်ခေါက်က အကုန်လုံးပြန် တင်ပါတယ်”” ဟု လွန်ခဲ့သော တစ်နှစ်ခန့်က ပါတီဝင်အင်အား စာရင်း အတိုးအလျော့ကို တင်ပြ မှုများရှိခဲ့ကြောင်း ပြောကြား သည်။
ပါတီဝင်အင်အားစာရင်း များ တောင်းခံမှုနှင့်ပတ်သက် ၍ ပြည်ထောင်စုရွေးကောက် ပွဲကော်မရှင်မှ ခိုင်လုံသည့် တာဝန်ရှိသူတစ်ဦးကမူ ““ပါတီ အားလုံး ပါတီတည်ထောင်ခွင့် စာရင်းတင်ပြီးကတည်းက ဘယ်ပါတီမှမလာဘူး။ စဉ်းစား ကြည့်။ ဒီပါတီတွေက ငါးနှစ် ဆယ်နှစ်အတွင်းမှာ သေတဲ့လူ လည်း မရှိဘူး။ မကြိုက်လို့ ထွက်သွားတဲ့လူလည်း မရှိဘူး။ အသေလည်း မလာဘူး၊ အတိုး လည်း မလာဘူး၊ နှုတ်ထွက်စာ လည်း မလာဘူးလား”” ဟု ပြောကြားမှုရှိသည်။
ယင်းသို့ တင်ပြမှုကိစ်္စရပ် နှင့်ပတ်သက်၍ လက်ရှိအာဏာ ရ ဒီချုပ်ပါတီ၏ ပြောရေးဆိုခွင့် ရှိသူ ဒေါက်တာမျိုးညွန့်က လည်း ““ကျွန်တော်တို့ကတော့ အရင်တစ်ခေါက်တော့ တောင်း တာ ကျွန်တော်တို့သိတယ် ခင်ဗျ။ ဒီနှစ်အတွက်တော့ တောင်းတဲ့စာတွေ မရောက် သေးပါဘူး။ ကျွန်တော်တို့ရဲ့မူ ကတော့ ဗဟိုကိုပဲ၊ တိုင်းနဲ့ ပြည်နယ်၊ ခရိုင်၊ မြို့နယ်တွေက တာဝန်ခံရပါတယ်။ ကျွန်တော် တို့က အခြားအဖွဲ့အစည်းက အဲဒီလို ပါတီဝင်အင်အားစာရင်း တောင်းရင် မပေးပါဘူး။ ကျွန် တော်တို့ ဗဟိုကပဲ ပေးထား တယ်။ လိုရင် ဗဟိုကပဲ ပေးမယ် ဆိုတဲ့ မူကို ကျွန်တော်တို့ ချ ထားပါတယ်”” ဟု ပြောကြား မှုရှိသည်။


ဒေါက်တာမျိုးညွန့်၏ ပြောကြားချက်အရ ရွေးကောက် ပွဲကော်မရှင်အနေဖြင့် တိုင်း၊ ခရိုင်၊ မြို့နယ် အလိုက်သာ ပါတီဝင်အင်အား စာရင်းကို တောင်းယူခဲ့ပြီး ဗဟိုသို့တောင်း ခံမှု မရှိသောကြောင့် ပါတီဝင် အင်အားစာရင်းကို ပေးခဲ့ရခြင်း မရှိဟု သိရသည်။


ဒီမိုကရက်တစ်ပါတီ(မြန် မာ) ဥက်္ကဋ္ဌ ဦးသုဝေကလည်း ““ကျွန်တော်တို့ဆီတော့ တောင်းတယ်ထင်တာပဲ။ သေ ချာတောင် မမှတ်မိဘူး”” ဟု ကော်မရှင်၏ ပါတီဝင် အင်အား စာရင်းတောင်းခံမှုနှင့် စပ်လျဉ်း ၍ ပြောကြားသည်။
ကရင်အမျိုးသားဒီမိုက ရက်တစ်ပါတီဥက်္ကဋ္ဌ ဦးမန်း အောင်ပြည်စိုးကလည်း ““ဟို တုန်းက တစ်ခါတော့လာလို့ပေး လိုက်ရတယ်။ အခုတော့ မလာ တော့ဘူး””ဟု ပြောကြားသည်။


ပြည်ထောင်စုရွေးကောက် ပွဲ ကော်မရှင်မှ ခိုင်လုံသည့် တာဝန်ရှိသူတစ်ဦးက ဒီလမ်းသို့ ပြောကြားမှုတွင် ဥပဒေပါ အတိုင်း ပါတီဝင်အင်အား စာရင်း တောင်းခံသည်ကိုပင် မိမိတို့၏ ပါတီအတွင်းရေးကို ကော်မရှင်က ဝင်ရောက်စွက် ဖက်ခြင်းဟုလည်းကောင်း၊ ပါတီများ၏ လုပ်ပိုင်ခွင့်ကို ဝင် ရောက်ကျူး ကျော်သည်ဟု လည်းကောင်း စွပ်စွဲပြောဆိုခံရ မှုများပင်ရှိကြောင်း ပါရှိသည်။ De.L-009


ဓာတ်ပုံ – (သြဂုတ် ၂၉ ရက်က ပြုလုပ်သော ရွေး/ကော်၏ ရွေးကောက်ပွဲဖြစ်စဉ်များတွင် ကဏ္ဍစုံမှ ပါဝင်သူများဆက်ဆံရေးနှင့် စပ်လျဉ်းသည့် ဆွေးနွေးပွဲ – UEC)

Write A Comment